Nia mane-foun mai hasoru nia iha Timor atu baa Australia.
Nia mane foun la hatene koalia tetun, maibee lia fuan ida-rua nia hatene, hanesan mane foun ho oan nia rona bebeik.
Nunee sira too iha aeroportu Darwin, Tiu Maubere haree aviaun barak nia hakfodak tebes, nia husu ba nia mane foun dehan, “Oan, Aviaun nee see nian?” Nia mane foun la komprende hatan deit, “I don’t know?”
Tiu doko ulun komprende hataan, “oh ne’e I don’t know nia aviaun ka.barak ida halnusa nee!.”
Tiu Maubere hakfodak la hotu deit, nia atu husu tan maibee lia fuan mak liga labele ona.
Tuun hosi aviaun sira nain rua tama iha supermerkadu nebee boot loos, nia hateke tuun ba semente nia haree ninia an iha nebaa, nia koalia ba nia’an dehan, “Eii pahh, nabilan par mate!.”
Nia hateke ba nia sorin iha malae ida nebee oin midar loos ba nia.
Nia mos hamnasa hodi husu, “Senhor, supermerkado nee see nian?”
Tan la komprende saida mak tiu nee dehan, malae nee hatan deit, “I don’t know?”
Rona resposta nee, tiu admira loos hodi dehan, “I don’t know nee ema riku ida.
Tan iha aviaun, iha supermerkadu la hatene saida tan mak nia iha ee.”
Nia haree uma andar nebee ass teb-tebes, nia atu husu tan maibee nia siik deit dehan, “Mane-foun!.
Uma andar nee pasti, “ I don’t know nian loos ka lae?”
Ho konfuzaun oituan nia manefoun dehan, “ Loos. But I don’t know.”
Tiu Maubere hamnasa hodi hateke ba nia mane foun dehan, “Hau siik nee la sala ida, loos ka lae?”
La komprende saida mak nia banin mane dehan, nia mos hamnasa tutan halo nia banin kontenti
. Bainhira atu besik tama nia mane-foun nia uma nia haree ema leva kaixaun tama ba rate laran.
Ho laran hakarak hatene nia husu ba nia mane foun, “Mane foun, See mak mate?”
La komprende saida mak nia banin dehan nia hatan deit, “Sorry, I don’t know!”
Tiu Mau Bere hakfodak teb-tebes hodi dehan, “Kuitadu!.
I don’t know ema riku, iha sasaan barak, agora mate ona. E pah, hau la konyese I don’t know, agora nia mate hau triste mos.
Biblioteka dit 25 Fevereiru 2020.
1 komentar:
Tenki hadia
Posting Komentar